haw bech n7ott recette chakchouka li na3melhem w yjiwni bnen barcha ( selon mon gout bien sure)
chakchouket 9ra3 (a7mer walla a5ther nafs recette just la7mer zeyda chwaya felfel zina)
n9ali 9ra3 en cubes w bsal ma9sous w 7oms ( w chwaya 9adid) 3la nar th3iifa au moins 30-45 minutes ba3d nzid tmatem k3ab en cube foul masri w chwaya 3dass m9acher n7arrekhem bel gda ki tethbel tmatem nzid noss m8arfa tmatem 7okka w chwaya korkem w chwaya felfel zina w nemra9 bel ma s5oun . kif ythoub l foul na3refha tabet n9oss pomme de terre en dés kbar chwaya w kif ytibou nzid chwaya mel7 w nfa9ess 3tham w na9ess l gaz 5 minutes ba3d n9oss garn felfel rondelles n7ottou w na3mel karwiya racha na3ne3 w ntaffi .
tnajem tzid felfel ak7el mais ena man7ottech
Chakchouka bel 5othra
n3abi l ma fil tanjra n9oss bsal jwayed w barcha sel9 wa illa sebne5 wala les deux
7oms w foul masri w 3dass w tmatem mer7eya carotte en cubes 9ra3 en cubes w chwaya tmatem ma3jouna w korkem w chwaya zit w ncha3el 3liha n5aliha ta8li à feu vif w ki 9rib ettib nzid batata w kifkif na3mlelha 3tham w racha na3ne3
hethi generalement na3melha ki yebda 3andi ka3bet 7out mo9liyin ( trilia sardina ...)
man7eebhech bel 9adid ama se3at nzidha chwaya l7am wa illa djej ki yebda mam3ahech accompagnement
man7otech fi 7ajet l 5othra thoum w manfawe7ch bel tabel la chayy n5ali l gout mte3 l 5othra ye8leb.
Left n7ottou ken fil jeri (ma9rouna jerya bel 5othra par exemple..)