déchirée entre eux

[envie]

une membre demande votre conseil


نتمنى نصيحة من واقع تجربة و ليس نصيحة نظرية او تغلب عليها
العاطفة لاني بالحق في موقف لا احسد عليه و سامحوني عالإطالة: انا امي عمرها 73 اكتشفنا مرضها بالألزهايمر في اوت 2020.
الاشهرة الاخرانيين مرضها تطور و صار تراجع كبير في العادات والسلوكيات اليومية و الذاكرة قصيرة مدى بينما في حاجات اخرين تركيزها باهي و ساعات حتى اكثر من اللي يلزم. احنا ثلاثة اخوة كل واحد يسكن في مدينة بعيدة عليها، و انا اقرب واحدة بعيدة عليها حكاية 75 كيلومتر. كنت نمشي محسوب كل جمعة نبات ليلة و لا اثنين و ساعات اكثر. هي رافضة تخرج من دارها و عندها اسبابها، و احنا كل واحد فينا ليه ارتباطاته الاسرية و المهنية و ما ينجمشي يسلم في كل شي و ينقل حذاها. و اقاربنا غادي بالحق كل واحد لاهي في همه و مرضه، و هي رافضة وجود شخص اجنبي يتلهى بيها.
قبل راس العام بشوية امورها تدهورت و بالحق ماعادش متاع قعاد وحدها قبلت تجي تعدي ايامات حذايا تمهيدا لانه اختي تجي تاخوها. جمعتها انا كنت كي غير باش نبدى خدمة وحدي و أجلت و بقيت معاها في الدار، راجلي بطبيعته من قبل ما يحملهاش لكن نظرا لكونها مريضة المرة هذيكا حاول يحسن سلوكه، تبقى بارد معاها و يا دوب سلام سلام و ماعادش يجي للدار كان باش يرقد. امي حست بالذنب اللي انا بقيت ما نخدمش خاصة اللي ظروفي المادية تضعضعت و ليا فوق العام بلا مورد رزق بعد ما كنت ما مخليتها ناقصة شي. زيد حست اللي الراجل ولى هارب من الدار. شدت الصحيح باش تروح لدارها، و انا إنسانة كي امي تهيج و تدخل في حالة غش ما انجمهاش و ما نعرفش كيفاش نتصرف. خليتها تروح قلت بالك كي تبقى نهار و لا اثنين وحدها تهدى و تعرف اللي ماعادش تنجم تبقى وحدها. اختي كي سمعت من حينها بطلت خدمتها و قطعت اكثر من 200 كيلومتر مع عائلتها باش تهزها عندها، من الاول رفضت و بعد هداها ربي و لانت بعد اربعة ايام. بقات حكاية شهر و نص عند اختي صحتها تحسنت لكن قدراتها العقلية وخروا يالقدا. الجو توتر مرة اخرى لانه امي قلقت و تحب على دارها. اختي حاولت تشدها قد ما تقدر خاطر تعرف اللي انا توا ظروفي المادية و الاسرية داخلة في حيط. اختي ماديا تخدم لكن الظروف على قدها و راجلها بارك الله فيه قابل امي. اقنعنا امي نمشي نجيبها نطلو عالدار و ترجع مدة حذايا وافقت. بنتي صغيرة عمرها 5 سنين شافتني لاهية بامي نلبس فيها و نهزها للتواليت و كذا غارت. ولات نافرتها ما تقربلهاش و ما تحكيش معاها و قالتلي ما نحبهاش معانا قد ما فسرت و سايست و عملت. زيد الجمود و البرود متاع راجلي اللي بخلاف صباح الخير، السلام ما يعرف يقول شي. امي غاضتها روحها و شدت الصحيح في المرواح و حلفت ماعاد تمشي لحد. انا راصاتلي خليت خدمتي و بنتي عند بوها و جيت قعدت مع امي. اختي اولادها يعديو امتحانات، خويا يخدم ما ينجمش يجي، و انا توا بنتي حتى في التليفون ما تحبش تكلمني متغششة و بوها طلبت منه يكلمها فماش ما تسمع منه يقللي اللوم عليك كان المفروض تسايسها كي تعرفها غايرة من امك: تي انا اش عملتلها بنتي اصلا باش نسايسها ! انا باش نكمل الجمعة في دارنا و بعد بالحق موش عارفة اش نعمل خاصة قدام تعنت امي انها تمشي حذا اختي رغم اللي غادي الناس الكل هكا هكا بيها. خدمتي ضاعت و تدهور الحالة المادية زاد الطين بلة، و بنتي ما عرفتش اش نعمل معاها: موش اول مرة نبعد عليها، ما تحبش تجي معايا في الويكند نخليها مع بوها نجي نلقاها نافرتني خاطر خلليتها نعدي ثلاثة اربعة ايام نصلح في ال dégât اللي صار و هي ماشية...
لو جات المشكلة عالراجل كاهاو مستعدة نطلق خاطر امي، اما بنتي اش نعمل فيها؟! مخي تحرق بالحق تعبت...

[mira82]

awel 7aja lotef 3liha omek wenchallah labes. je sais ce que c'est 5ater 3echt dans ma famille cette maladie wenajam n9olek eli malheureusement ça va empirer. rahou makich bech tnajam tetelhé b omek wa7dek 7atta kenik t7eb. on suppose makich m3arsa wa makich te5dem wa ma3andekch sghar mekich bech tnajam. sama7ni bech nouj3ek ama rahou bech toussel matetfakrekch chkoun wa tnajam elle panique wa tod5el fi des crises incompréhensibles. à part le fait eli enti bech tet3eb physiquement bech tet2athar zeda psychologiquement. dans ma famille femma chkoun libre wa najam ye5ou la charge de la personne malade mais il n'a pas pu wa felle5er jeb une infirmière m3ah malgré eli houwa fedar 7j/7. omek rafdha yjiha chkoun mais je ne pense pas eli hya fi état mta3 te5ou cette décision.
mafemech barcha 7ouloul soit bech to93od fi darha wa yji ba7dheha chkoun soit bech temchi ba7dha wa7da fikom wa kif kif bech yjiha chkoun o5tek tedem wenti malilek terja3 te5dem zeda makomch bech tsakrou 3liha beb wa to5rjou 5aliwha wa7ad'ha.
rajlek allah ysem7ou wa kfe 3la mouleh ama bentek mazelit sghira 3ad chbih tghachet 3lik wela rafdhetek ki terja3 ba7dheha taw tensa wa yetsala7 kol chay. matkabarhech fi mo5ek 7kayet bentek
wa ken vous décidez bech omek to93od fi darha a3mlou plan m3a 5wetik wa programme kifeh temchiw etolou 3liha betanaweb wa welli hez bentek m3ak. ena l7a9 manefhemch ki tofla sghira 5 snin t9olek man7ebech nemchi ye5i tesma3 klemha enti ? maw hezha taw testenis bechwaya
rabbi m3ak je sais que c'est tres difficile

[kamilia2016]

me"andi menzid 3la mira juste bintik rahou tnajam t5aliha tarja3 t7ib omok law ken tichrilha cadeau t9olha min mamie, t9olha ija tfaraj cartroon m3a mamie ija nal3bou poupée m3aha...mena3rafch t9arabha minha
mais binisba lilahwa 3andik ou 3and okhtik à mon avuis c le mieux ey plus chez okhtik puisque dhourouf mwetya juste inti twali tu compenses matériellement la personne ili tji titlha bomok wa9t okhtik tikhdim (inti wkhouk) wokhtik ili ghadi hayka hiya ili 9ayma bil reste
je pense lezim ta7kiw ensemble tous les 3 wkol we7id min ghuir 3atfa wtanrviz y9oul chnoua ynajam wchnoua la
wrabi m3aha wm3akom...makhybou ilmardh allah la touja3 7ad fi omou...

[Miroutta]

Li 9aletou mira hetheka lwe9a3 . 7awlou to9n3ouha bech twalli kl mara 3and wa7ed fikem mabda2iyan. Enti au moins tetlha biha 2 semaines par exemple w ba3d t3aweth l bentek w rajlek.
L Mr 9olou l 9owwa lel tho3f terja3 w hetha marth lwa7ed moucch bech ylawa7 weldih

[Lunatic]

Lotf 3liha omek w rabi m3akom
Pour ce qui concerne bentek 3adi 3alle5r enha tghir. Enti ma 3andek ma 3maltelha ama zeda c'est à toi de la réconforter, la comprendre et acceuillir sa jalousie w ta3tiha men wa9tek chwaya en répondant à ses besoins, 3abrelha bel klem w bel les faits eli enti t7ebha w 7ad ma ye5ou blassetha
Sinon omek rabi m3akom nchallah tal9aw 7al behi

[MaMonet]

Rabby m3akom, elli na3erfou elli cette maladie est très grave, w temchi et elle s'empire, kif ma 9alet mira yousslou yenssaw awlad'hom, marra tfarajet fi vidéo nsswa hata kifech yakel, elli bech yetel'ha biha lazmou ykoun psychologiquement 7adher w 3aref eh bech yssir.
bennessba el bentek, elle n'a que 5ans! kifech tghir men sa mamie, awel marra nassma3 haja hakka, ama tnajem ta3mel kifma 9atlek kami t7abab'ha fiha w hez'ha m3ak kif temchi.
Rabby yjiblek el 9assam w ykhafef ma nzel.
Inty w khwatek choufou rwe7kom chnoua tnajmou ta3emlou à tête reposée tfahmou, hya, ta maman moch mou2ahla bech ta3ty ra2i sweb w lazem'ha 3la toul chkoun m3aha.
bon courage

[MaMonet]

bech n9ollek haja okhra, c une approche au cas où ça s'empire,
thama des centres spécialisés yetelhaw b les malades qui ont ces maladies, na3ref chkoun kanet 7atta khouha fih khater ma najmetech, raghem hya tbiba ama ma najmetouch , c'est triste, mais c'est une approche au cas 7alet'ha tssou2.

[mira82]

tu peux contacter cette association https://www.facebook.com/AlzheimerTunisie y3awnou belbehi wa mayeb5louch bel information

[JudyAbbott]

Rabbi m3ak ou i3inik ou nchallah bajrou
kima 9alou lebnet lghira 7aja 3adia, kif bin l5wet, ken jet 3andha 5ouha wala o5tha nafs la7keya ou makch obligée ta5tar binethom
dima a7ki m3aha ou charakha impact bo3dik 3liha a5yeb mil ghira a mon avis ou 7ata ken 3and bouha to93ed mest7a9itik

[MaMonet]

bonjour,
wini moulet el sujet @envie , chnoua 3amlet inchalah l9at solution?