hkeyet-enssa

il y a 5 mois j'ai ouvert ce sujet; et alors au bout de ces 5 mois el dinars zed ta7 welyouma par exemple Attijari techri 1 euro bi 3,402 wetbi3ou bi 3,464
wallah lani fehma win mechine!!

apparemment tounis taw ma3ad yenfa3 m3aha ken d3a el 5ir

Mechin lel 1 euro= 4 dinars en fin 2019.
Ma3neha l flouss wallet chtar 9imetha ya qque années.

Ena marra 9rit article yfassar 3lech el dinar ta7 ba3d ethawra bethet haw bech n7awel nla5sou
باهي يا سيدي أولا، قيمة الدينار التونسي مقارنة بالاورو حاليا ما هيش قيمتو الحقيقية، في الحقيقة قيمتو أقل ببرشة أما يحرز سوق البيع و الشراء موش محلول برشة في تونس و زيد ما فماش شريان بالانترنت من الخارج ولا راهي خلات
- قيمة الدينار يحددها قداه البلاد تستورد مالخارج و قداه تصدر، يقول القايل علاش مالا قبل الثورة كان الدينار طالع رغم الي قاعدين ننتجو في نفس الحاجات و نستوردو في نفس الحاجات؟
هنا يجي العامل الثاني متع قيمة الدينار، الي هو البنك المركزي. البنوك التونسية تبدى تبيع و تشري في الاورو و بينات بعضها قيمتو بالدينار يتحكمو فيها هوما، هنا مهمة البنك المركزي في السيطرة على سومو، هو الي يحدد سوم معقول و يبيعلهم اورو رخيص نوعا ما باش يطلع في قيمة الدينار
قبل الثورة ما كانش البنك المركزي يدز فيهم بالركبة، كانت سياسة بن علي انو يتسلف من عند البنوك العالمية للبنك المركزي باش هو يبدى عندو بزايد اورو و هكاكا الدينار سومو يقعد فيكس. أما كانو يعرفو الي في وقت مالاوقات باش تكثر ديون البنك المركزي و معادش ينجم يتسلف و الدينار يعمل نكسة سريييعة و يرجع لقيمتو الحقيقية.. يعني سوا صارت ثورة ولا لا كانت بش تصير نفس المشكلة
و هذا الي صار، تقريبا من عام 2010 البنك المركزي معادش ينجم يتسلف و كمية الاوروات الي عندو بدات توفى .. و من غادي بدات المشكلة
السياسة الاقتصادية هاذي سياسة فاشلة ، تقول عليك تغطي في الحقيقة الاقتصادية متع البلاد و تموه باش الشعب يمشي في بالو الي بلادو بخير و هو موش صحيح

السياسة الي كانت لازمها تكون هي العمل و العمل ثم العمل، ننتجو قد ما نجمو باش انجمو نكتفيو بمنتوجنا و ما نستوردوش، و نصدرو قد ما انجمو باش ندخلو اوروات للبلاد

الدينار توا بش يقعد يمشي و يطيح موش خاطر الحكومة سراق ، لا خاطر هاذيكا قيمتو الحقيقية حبينا ولا كرهنا
احنا فاش قاعدين ننتجو؟ مواد اولية بحتة، خضرة و غلة، زيت، شوية فسفاط، هريسة، ملح..
فما شباب قاعد يعمل في مشاريع، أنا عملت ستاج مع شركة تونسية تصنع في روبوات، أما للأسف ياسر سعدهم مكبوب، يجاهدو بش يقدموا، الخور في كل بلاصة مزروع هذاكا علاش الشباب قاعد يهرب للخارج معادش عندو ثقة في بلادو و معادش لاقي فيها الأمان