Comportement bb de 2 ans

[faith]

Lebnet rahou sa3at tod5l fi crise 9wya barcha lin ena bl79 ma3adch enajm nched 3sabi..kima hier rawa7na lel dar b3d t3ab nhar keml (9adhyet ml barra etc
..) 3amlet 7ala fl drouj w na7na bch ntl3ou lel dar ma t7ebch tod5l lel dar aslan ..tsi7 bl 9wy w denya lil w ness tsm3 l barra 3amlet fdhi7a 7assilou..lin tsawrou 7meti nadet l rajli tes2l fih chbiha tsi7 haka ye5i cha3mltoulha w elle lui a dit qu'elle va monter chez nous bch tsakat'ha ..w rajli biensur ma ynjmch y9oul kelmet lé l omou wela ma t9al9ch rou7k ..donc tal3et f akel lil wena deja te3ba mezeltt b sabati fi sa9aya ma na7itouch w m3amla bch nd5l ndawech ..eli zed narvzni le plongeon mt3 hmeti fi west 3ichti ..eli 5alleni zedt chna3t fi rajli 9otlou enti bouk w omok mezlou 7asbink sghir ma ta3rfch tetsaref ..tatl3 hya tsakatha 3leh ena w enti 3asker kardhouna? Omok Ma ta3rfch te7tarem eli fama aw9at y7eb l 3abd yrat7 mo5ou fihomh tal3a tejri hakeka la t9oul denya lil 3bed bch tarte7..on est des majeurs et vaccinés na3rfou netsarfou m3a bentna mouch hya bch t3almna w en+ l c omportement hetha de la petite c la conséquence mt3 dlel omok liha w ra3chetha ezeyda 3liha!! Assuma tawa 9otlou..vraiment el 3icha fou9 dar l7mé 3ayfetni fi rou7i ..

[Miroutta]

faith je trouve li 3amletou 7metek normal w tasarrof rajlek 3adi.
ena netsawer ken 7meti tasma3 weldi yebki w may7ebech yod5el lel dar ( li heya 7aja tsir dima fi 3mor bentek) tji w t3awen.
enti tkaber fil 7keya w mnakda 3la rou7ek w 3la rajlek. enti tosken fou9 menha tu assumes walla o5rjou ekriw w et7amlou les conséquences ama ken kol mara bech tebda 3la a3sabek kif haka bech twalli l 3icha nkad.

[faith]

@Miroutta : rahou ena ma wselt t9al9t ella ma n3rf eli hya ta3ml hakeka mch fi niyet enha t3awen..ema fi niyet enha hya eli adra bel tofla w t3rf kifech tsaketha w ahna bheyem la nbelou la n3elou ..yji menou haka? ..rajli men na3d 3tani l 7a9 mafamech 3lech bch enaked 3lih 5ater ses parents ma ya3rfouch leurs limites..3adi 3andhom fi ay wa9t yjiwk yod5loulk l darek fi ghyebk 5ater dar weldhom 3ibara mafamech 7ormet mra fl dar..m3neha enti ken saret 3lik l7keya w tbda enti mraw7a te3ba ba3d nhar twil bch tmed sa9ik w tetnafes fi dark tjik hmetk fi lil rien que 5ater sam3t sghirk ysi7 w zid t7aseb gina "cha3maltoulha?" T9oul mouch a7na eli jebneha wela aslan ech 3ana n3mloulha ,,3andk enti 3adi? Ti hya 7meti ki tbda benti 3andha w tebki w nji ena bch nsaketha t9oli "5aliha tebki chihemk fiha w barra bket ?bech tmout?" ..
3ad hetha chnwa tsamih enti? M3awna wela tnoufi9?

[Lunatic]

3andek 7a9 tet9ala9 faith, 7metek tetsaraf bel 3atfa t7eb bent weldha w t7eb tdallalha w trakom "ghaltin" 5ater hiya kbira w rabet jil kemel w 3andha expérience.. enti 7awel tefhemha haka bech ma tetnarvazch w matabdech tghazal, ama zeda enti el s7i7a bentek t7eb trabiha 7asb 9ana3atek w wa9t t7eb toskot 3liha w wa9t t7eb tetkalam.. keni 7metek menaw3 eli yefhem a7ki m3aha b syessa 9olha tatta 5alini ena netsaraf wa7di, ken ma te9belch a7ki m3a rajlek 9ollou eli enti tetfaham tbi3et omou ama mekech 9abla teda5al fi bentek belekch howa yemchi ya7ki m3aha

[imen.bz]

@faith à ta place et dans ces conditions c'est sûr que je n'aurais pas apprécié le fait que ma belle mère ait intervenu.
Yu n'est pas la seule sinon; ena nebda m7amla b 9adhiya wel sac mta3 benti w mon sac à main w tzid hiya te7ren fel parking ma t7abbech tet7arrek. sa3at trassili hezzet'ha sa3at ma najamch nwalli nkarker fiha men tarbouchet elkabbout w hiyya tssi7 w tebki 3la toul sout'ha. nzidou nouslou 9oddem beb eddar tebrek fel9a33a tebki lin se3a se3a ytol 7ad mejjiren yess'el ech famma [GigaSmiley_008.gif]
L'autre fois hazzit'ha l aire de jeu. ça y est bech ysakrou, jit n5arej fiha chalb9etni 9oddem ennes 9ad ma 7abbet, 9rib tna77ili foularti. 9rib netjlat bel ghazzoul tellement je déteste qu'elle m'agresse surtout en présence d'autre personnes. nwalli fi sina o5ra
eeeeeeeeh essabr

[Lunatic]

Imen 3andi weld 5ali saghroun hakeka zeda, mara mchina l 3ers ,5ali 93ad lbara fel karhba ma7abech yod5ol wena w mart 5ali w weldha d5alna.. ma5alla ma3mal yatla3 ba7tha el 3rayes w yfok el bouquet, yejri 3la toul essala, la3bed tetsawar w howa fi sa9ihom, kif jina mraw7in da5alha b3adhha bel 3yat yadhrab fi omou w ynatchelha fi dbachha lin hiya wallet tebki w tkalam fi rajelha ija 5araj weldek, mba3ad chretlou 3arka esghar lkol haka

[mira82]

normal imen echleba9 lezmik ta3mel sang froid wetched rou7ek bech matchalba9ch a ton tour wa barra

[flora blanche]

ouuuh fakartni f tharba klith amin binti b lou3ba en bois 3la rokbti 7assit se9i ithlit asslan w scéné hathi 9oudem mama 3aaad hhhh w mara tharbitni 3la rassi b accessoirs fil ydin yet7at la3bit 3liya dou5a kima fil dessin animé akil 3ssafir ili ydourou autour de ma tete akek abithabit aah w bara rabi yihdihom taw yikbrou w ya3mlou 39alw yo93oud kan 7dith