Aider ou pas aider

[JudyAbbott]

Bonjour

7keya tne9echt fiha ena will mr ou 9olt nchouf raykom, na7kiou generalement mich l exemple hetha bark

Na3ref mra kima barcha nse 9ad mate5dem ou t7awil daber rassha ama mich 5alta 3al masrouf ou 3andha barcha dyoun
Rajilha ou awledha 3ozeb fou9 el 20 batala may7abouch ye5dmou, style yebdeou ou ibatlou haw 5edma ta3eb haw transport s3ib…Zid weldha wala yetkayef fi zatla ou i7eb ya7ra9

7assilou ni9ach ena wil mr:

Bi nesba liya ken bech n3awen bech nzid nchaja3hom 3al bo5l ou zid flous mechia fil 7ram: do5an, zatla…
El mr i9oul: el we7id ya3mil eli 3lih mich bech net7akim fihom kifech yosrfou

Ch9awlkom?

[Pitchounette]

Sujet hédha m7ayarni barcha zéda et je le vis au quotidien. 3andi l'aide ménagère mté3i mra tayba barcha wena zéda la79i9a 3amla m3aha lemli7. Elle est veuve et n'a pas d'enfants, elle vit avec sa soeur qui ne s'est pas mariée w saken m3aha khouha ou martou ou awled'hom ezzouz fel lycée. C'est une femme qui a travaillé toute sa vie, w dima t3awen fi la3béd w nessya rou7ha. Cela fait 3 ans qu'lle est chez moi, très honnête 7atta kif nsafer elle a les clés de la maison et vient tous les jours, les voisins la connaissent et elle est plutôt bien payée chez moi. Le seul hic c'est que sansset dar khouha (yekhdem fel baladiya w chahriya 3la 9ad'ha) ou mart khouha (battala feddar) ou wléd khouha (fel lycée) - el frank eli eddakhlou tosrfou alehom. Wena 9ad ma nkhallas'ha (son salaire) w 9ad ma nzid'ha des extras, hiya dima 9ad 9ad. Haw études b 80 dinars l weld khouha, haw lebnaya bech techri sbédri jdid, haw tkhalselhom fi fatouret edhaw wel mé etc...

Moi j'ai décidé de limiter les extras (en nature et en espèces). Après tout, elle touche un bon salaire qui lui permet de vivre dignement avec sa soeur surtout que ma3and'homch kré ikhalsou fih. Ou zid 3and'ha mart khouha 9a3da feddar la nhar mchét tekhdem, z3ima kén tlawej 3la les cours particuliers louléd'ha wel mra tkhallas.

[mira82]

ena ma3adech n7eb n5amam fihom le7kayet hedhom. na3ti dima la3bed mel famille mte3i wella famille rajli wa na3rafhom yest7a9ou
la79i9a na3ti l 3abd wa houwa re9id mahou ya3mel fi 7atta effort matod5olich el mo55i
dima n7awel nbajel insen ye5dem ama mahouch le7a9 par exemple

[JudyAbbott]

bi thabt @mira82 contre n3awen 7ad 9a3ed merte7 ama hia miskin dima t7awil daber rassha bi 5lef 5edma 9ara, haw hrissa, tebil wil rjel mich 7aba tetmarmed, ki na7ki m3aha 5alihom blech t9olik bech n5alihom blech mekla
et en mm temps nchouf fihom fi fb yo93dou fi 9hawi, 3andhom connexion, yetkayfou... ou hia miskin ma5nou9a

[MissLinou]

ena bidi nemchi b ma9oulet el a9rabouna awla bel ma3rouf, na3ti l 3bed na3rafhom mli7 mli7 w mel famille w yekltou w mest7a9in

pour ton cas judy hedhi l mra tnajem t3awenha ama moch b flouss. genre techrilha 9adhya (walla twassi chkoun yechrilha) ya3ni 7ajet ta3rafha bel7a9 mest7a9ethom moch flouss ye5dhouhom si weldha w rajelha ya3mlou bihom elli y7ebou

[eternalStudent]

dans les cas hedhom surtout le cas de @Pitchounette na3ti lil mra el7aja elli nitsawarha matemchich l ghirha plutôt que de donner l'argent.

[MissLinou]

lbera7 saretli faza fakretni f sujet hédha.
en fait mchit 9dhit m twebli ba3d tfakart elli lezem nod5ol l aziza, houma 3amlin akal les casiers elli t7ott fihom 9adhytek (normalement yetsaker bel mefte7 ama jamais rit 7add saker donc 7attit 9adhyti w d5alt. ba3d rawa7t w nsit el 9adhya, ki rja3t ma l9ithech 9alouli surmenet tser9et. fama rajel kbir yasma3 feya na7ki m3ahom, 9alli bnayti nans7ek e7sebha sada9a 3al 9lila terba7 ajrha 9otlou b sara7a lé ma ennajamch ne7sebha sada9a, hédha sre9li 9adhti w 7asbia allah wa ne3ma el wakil fih, ki n7eb n5arrej sada9a taw n5arajha lelli mest7a9ha.
ba3d 93adt barcha n5amem fel sujet, ena cherrira ki ma ne7sebhech sada9a? w ama 5ir bel7a9 ne7sebha sada9a w nerba7 ajr w ma yete7sebch dhanb 3lih elli sra9 après tout heya mchét haka wala haka w moch bech tarja3li wala ma nsama7ch bini w bin rou7i...

[mira82]

mafhemtech sar9ouli el 9adhya mta3 aziza wela sakek eli t7otou wa matod5olch bih ?
sinon 7attena mane7sebhech sada9a wa mansema7ch hedhi ser9a 3ini 3inek

[MissLinou]

ser9ou el sac elli 7attitou fel casier, fih 9adhyet ettwebli

[Lunatic]

@MissLinou 7atena fi blastek mane7sebhech sad9a, 5ater sra9ni wel ser9a t5allik t7es bel ghoch eli 3abd hazlek 7aja mte3ek! Manajamch nannuli l sentiment w nseme7.. mekech cherrira enti 3abd 3adi i3tadew 3la amlekou w 7asha ..
Par contre yomken noghzrelha enou bech tjini 7assanet 5ater y9ollek eli yasr9ek wala yodhlmek nhar e5er te5ou men 7assanatou donc nefre7 eli bech nga7af trayaf 7assanet